Budget primitif de la Ville d'Ajaccio : la hausse sans la hausse...
(A redazzioni d'Alta Frequenza) - Una situazioni assai critica! A parolla hè stata ditta arisera (luni) da Stéphane Sbraggia duranti u dibattitu bughjettariu di a cità d'Aiacciu. A nova squadra dirighjenti in Casa Cumuna s'hè lanciata dipoi parechji ghjorni ind'a custruzzioni di u bughjettu 2015, u primu veru bughjettu di a mandatura dopu à quillu, transitoriu, di l'annata 2014. U primu aghjuntu à u merri, in carica dinò di ss'uparazioni impurtantissima, hà fattu u custatu di l'eredità di a gistioni passata parchì d'appressu à ellu, ùn si pò micca in materia di bughjettu spiegà a situazioni attuali senza fà un ritornu annant'à l'annati scorsi. Tuttu hè statu studiatu è nisun pussibilità hè stata scurdata : carichi di funziunamentu, migliurazioni di i ricetti, mutualisazioni di i mezi, fiscalità, u scopu hè di prisintà un bughjettu 2015 à l'equilibriu. S'è u nivellu di a tassa d'abitazioni è di a tassa fundaria annant'à ciò chì ùn hè micca custruitu sarani i listessi, ùn sarà micca u casu pà a tassa fundaria annant'à u custruitu; u nivellu passarà da 17,02 à 18,40, ciò chì hà da sgaghjà un millioni d'auri di ricetta nicissaria pà l'equilibriu di u bughjettu. Da fà chì ssa misura ùn fessi "micca mali" à a cità d'Aiacciu, hè statu dicisu di calà a tassa di i rumenzuli di u listessu costu è di fà un trasferimentu di fiscalità di a CAPA annant'à a cità.
Steti à senta à Stéphane Sbraggia annant'à ssu puntu assai pricisu.
Sur le même sujet
