CAB : le budget des maires adopté, François Tatti isolé reste président
(A redazzioni d'Alta Frequenza) - François Tatti hè sempri presidenti di a Cumunità d'Agglumerazioni di Bastia ma n'hà persu a maestria, eccu ciò ch'ellu si pò ritena di u cunsighju cumunitariu di ssu marcuri induva un bughjettu hè statu vutatu cù 33 voti à prò è 7 eletti chì ùn ani micca participatu, quilli di l'uppusizioni, eppo François Tatti è i so fideli Françoise Vesperini è Julien Morganti. Ssu bughjettu mudificatu setti volti par via d'amendamenti di i cinqui cumuni di a CAB t'hà diffarenzi impurtanti di pettu à quillu di basa prisintatu da François Tatti. I spesi di funziunamentu ani cunnisciutu par asempiu una certa calata, cù com'è puntu u più simbolicu 360 000 auri di menu pà ciò chì tocca i spesi liati à a presidenza, un affari chì s'hà da materializà da u disimpiegu da quì à pocu di una maiò parti di u cabinetu di François Tatti, è par asempiu di u so direttori generali di i servzii. Dinò, menu investimenti, a priurità sarà data à a rimissa à i normi di securità d'arnesi spurtivi. Ss'ecunumii ani parmissu di fà crescia a tassa annant'à i rumenzuli micca à 14,91 punti com'è privistu, ma à 10,91 punti. Aldilà di ssi ditagli di u bughjettu, François Tatti si ritrova isulatu in a CAB è in a maghjurità bastiaccia, com'è un rè senza curona chì malgradu a chjama d'eletti numarosi, chjara o micca, voli bè assicurà u so mandatu di presidenti di a CAB fin'è u 2020.
Steti à senta à François Tatti, assai annarbatu cuncirnendu par asempiu l'episodiu chì tocca u so cabinetu.
Sur le même sujet
