Caffè di u Corsu : la mairie de Bastia veut lancer des discussions d'actualité en langue corse
(A redazzioni d'Alta Frequenza) - Chì hè u puntu cumunu trà a riintrata sculari è i Pokemon ? Ssi dui sughjetti d'attualità è tant'altri sarani amintati duranti a prima edizioni di u Caffè di u Corsu, l'iniziativa nova di prumuzioni di a lingua corsa di a merria di Bastia chì sarà urganizata ssu ghjovi à cinqui ori è mezu in u caffè Les Terrasses, carrughju Nabuliò. Un appuntamentu apartu à tutti pà discorra è cuntrastà nant'à ssi sughjetti d'attualità chì sarà misincu, cù ad ogni volta un locu novu da fà chì tutti i quartieri sighini cuncirnati. Caffè chì sarani filmati eppo publicati nant'à a tela cù sottu tituli in francesi.
Steti à senta à Mattea Lacave, aghjunta à u merri di Bastia dilegata à a Cultura, à l'apartura à u mondu mediterraneu è à a Lingua Corsa.
