Caillassage d'un véhicule pompier à Ajaccio : condamnation du président du SDIS 2A
(A redazzioni d'Alta Frequenza) - Dopu à l'attaccu di un camiò di i spignifochi chì hà vistu dui suldati di u focu feriti duranti un'intarvinzioni in u quartieru di i Jardins de l'Empereur in Aiacciu, u presidenti di u SDIS di Corsica Suttana, Charly Voglimacci, hà vulsutu riagiscia in un cumunicatu publicatu annant'à a so paghjina Facebook. Stima chì à ssu mumentu di l'inchiesta, "si tratta sicuramenti di una vera trappula". Dichjara dinò chì dopu à un intrattenu d'urghjenza cù u sottu prifettu di permanenza è u Direttori dipartimintali di a Securità publica, hà uttenutu da i servizi di u Statu guaranzii sicuri annant'à i seguiti ghjudiziarii chì sarani datu à st'affari. Infini, Charly Voglimacc compii dicendu chì "senza spiritu di pulemica, dicu à ssi ghjenti di stasera, quilli curaghjosi, chì ùn semi micca in certi quartieri di u cuntinenti induva u tarrori è u disordini generali sò maestri. Quì, semi in Aiacciu è ùn lacaremi à nimu fà a so legi, impona a paura è impatrunisciasi di un quartieru di a nostra cità. S'ella li diragna, sò libari d'andassini!"
