CAPA : baisse de la taxe sur les ordures ménagères d'environ 20 euros par foyer
(A redazzioni d'Alta Frequenza) - Mentri chì c'hè u rimusciu in a CAB, tuttu và bè in Corsica Suttana è à a CAPA in particulari induv'ellu si vutava dinò oghji (marcuri) u bughjettu. È què malgradu un cuntestu finanziariu uguali di riduzzioni, cù a calata di l'aiuti di u Statu, è cù daretu à què una crisa ecunomica è finanziaria. A CAPA sarà prilevata annant'à i so risorzi di guasgi 1 millioni d'auri è vidarà u so bughjettu calà di guasgi 20%, 141 millioni d'auri in u 2013, 112 quist'annu. Cunsiquenzi diretti, l'investimenti calarani di 50% è i spesi glubali di funziunamentu cunnosciarani u listessu muvimentu, menu 6%. U bughjettu ambienti chì includi, a pricisemi, i rumenzuli, calarà appena dinò ellu, menu 7,5% vali à dì 24 millioni d'auri. Ed hè in ssu cuntestu assai difficiuli chì a CAPA riesci à calà l'impositu annant'à i rumenzuli di 20 auri par ogni casa fiscali à pocu pressu. Comu si pò ghjunghja à què ?
Steti à senta à Xavier Lacombe, u prima vici presidenti di a CAPA.
Sur le même sujet
