CAPA : le développement rural en questions
(A redazzioni d'Alta Frequenza) - Pà u sviluppu campagnolu inde u paesi aiaccinu, o comu imaghjinà a ruralità nant'à u tarritoriu di a CAPA : era l'ughjettu di a prisintazioni di ssu marcuri in tarra cumunitaria. Dopu à dui seminarii di cuncertazioni, era ghjunta l'ora di a ristituzioni. Trè punti maestri ani da custituiscia u ceppu cumunu di ssu prughjettu. U prima voli "rivelà una tarra di spannamenti" grazia à u sviluppu di u turisimu è di l'asgi di vicinanza. U sicondu t'hà com'è ambizioni di dinamizà un'agricultura d'innuvazioni. Infini, l'ultimu batti à prò di un'ecunumia di i patrimonii è di i sapè fà. Prughjetti assai numarosi duvariani nascia dopu à què è frà altru un polu di trasfurmazioni à prò di l'agricultori.
I pricisioni di Pierre Jean Poggiale, vici presidenti di a CAPA in carica di u sviluppu in mezu rurali è merri di i Valli di Mezana.
Sur le même sujet
