CAPA : une place majeure pour la ville d'Ajaccio, mais pas hégémonique
(A redazzioni d'Alta Frequenza) - A Cumunità d’Agglumerazioni di u Paesi Aiaccinu hà da pudè ritruvà una manera nurmali di viaghjà dopu à l’alizzioni senza surpresa ssu marti di un novu presidenti, Jean Jacques Ferrara. Ramintemi chì dopu à l’annulazioni in fin d’annata scorsa di l’alizzioni municipali è cumunitaria d’Aiacciu, Laurent Marcangeli avia sceltu di demissiunà di u so postu di merri è di presidenti di a CAPA. Di manera pruvisoria, era in postu fin’è oghji Xavier Lacombe, u 1a vici presidenti attuali di ss’istituzioni, mentri chì u « grossu » di u travaghju era di fattu piantatu, com’è marcati publichi numarosi par asempiu. U cunsighju cumunitariu novu hè dunqua statu stallatu ssu marti cù i so 46 eletti, cù nentru à quissi 23 pà a sola cità d’Aiacciu. U diputatu è merri di a Cità imperiali era cuntentu di sicuru di l’alizzioni di u so cullegu è amicu Jean Jacques Ferrara. Si voli impegnà pà daveru in a CAPA, par asempiu grazia à a so funzioni di membru di u scagnu. Aiacciu t’avarà una piazza impurtanti inde l’istituzioni, ma micca suprema, voli insista annant’à què.
Steti à senta à Laurent Marcangeli.
Sur le même sujet
