Cargèse : plusieurs commerces visés par des tirs
(A redazzioni d'Alta Frequenza) - Quattru cummerci di una listessa famighja sò stati tocchi da tiri d'armi a notti scorsa in Carghjese. Sicondu u prucuratori di a Republica d'Aiacciu, pudariani essa tiri di un fucili di caccia, ma l'affari devi essa cunfirmatu. I tennichi d'investigazioni criminali cuntinueghjani u so travaghju sopralocu, mentri chì i gendarmi ani principiatu à racoglia i primi tistimunianzi è à senta i pruprietarii di ssi stabilimenti.
