Carte Ritirata de la CTC : satisfaction de la CFDT
(A redazzioni d'Alta Frequenza) - L’Assemblea di Corsica hà aduttatu u famosu raportu nant’à a criazioni di a carta chjamata « Ritirata » attribuita à i ritirati chì stani in Corsica. Ramintemi chì pà pudella avè, u nivellu massimu di rivinuti hè di 14 918 auri pà un coppiu. Ramintemi dinò chì a riduzzioni di 50% dighjà attribuita à i grandi ligni di i CFC sarà allargata à i ligni suburbani di Bastia è d’Aiacciu. Pà u trasportu aereu, 24 000 bighjetti andata è ritornu à 95 auri inveci di 160 sarani pruposti da Air Corsica nant’à i traghjetti Corsica-Marseghja-Nizza. A Méridionale è Corsica Linea mittarani pà contu soiu à dispusizioni 6 000 bighjetti andata è ritornu à 85 auri.
L’associ di ritirati, STC è CFDT, ani participatu à l’elaburazioni di ss’accordu, ciò chì spiega a cuntintezza di Pierre Cervetti pà a CFDT.
