Carte scolaire : la position de l'Associu di i Parenti Corsi
(A redazzioni d'Alta Frequenza) - I raprisintanti di l'Associu di i Parenti Corsi tiniani una cunfarenza di stampa stamani (marcuri) davanti u retturatu di Corsica, in Aiacciu. L'associu di parenti d'elevi vulia infatti pricisà a so pusizioni nant'à a nova Carta Sculari, mentri chì issu dopu meziornu si tinarà u cunsighju dipartimintali di l'educazioni naziunali, in Bastia. L'Associu di i Parenti Corsi dumanda dunqua una piantata di a misura di suppressioni di posti è a missa in ballu di un statutu specificu pà l'Accademia di Corsica, vali à dì un'autunumia. Un'autunumia chì parmittaria di difiniscia un prughjettu educativu pà l'isula, i so scopi, ma dinò i mezi à volta pedagogichi, cà umani, o bughjettarii, cù parechji rivindicazioni à fà valè, com'è a ghjiniralisazioni di u bislinguisimu. Un dibattitu inghjiru à u quali devini essa aduniti a Cullettività Tarrituriali di Corsi è tutti i partenarii educativi.
Écoutez Denis Luciani, pour l’Associu di i Parenti Corsi.
Sur le même sujet
