Cas de Paul-André Contadini : la LDH demande son rapprochement à Christiane Taubira
(A redazzioni d'Alta Frequenza) - A Liga di i Diritti di l'Omu s'impatrunisci di u cartulari di Paulu Andria Contadini ! Ssu ghjovi da mani, a LDH urganizava una cunfarenza di stampa ind'i so lucali parighjini pà sinsibulizà l'upinioni publica à u casu di ssu prighjuneru puliticu corsu incarceratu in Fresnes è chì, postu ch'ellu ùn hè micca avvicinatu in Borgu, hà principiatu u 15 di sittembri una greva di a fami. Pà a Liga di i Diritti di l'Omu, à partasi di u mumentu chì i diritti di un prighjuneru ùn sò micca rispittati, hè nurmali di pighjà in manu un cartulari simuli è di fà sapè a so scuntintezza maiò. A LDH hà dicisu d'altrondi di scriva à a ministra di a Ghjustizia, Christiane Taubira, pà dumandà u più prestu pussibuli chì Paulu Andria Contadini sighi avvicinatu in Borgu.
Steti à senta à Françoise Dumont, a presidenti di a Liga di i Diritti di l'Omu.
Sur le même sujet
