Cas de purpura fulminans à Ajaccio : un enfant en bas âge transféré en avion sanitaire sur Marseille
Via un cumunicatu di stampa, l’ARS di a Corsica hà fattu sapè ch’un zitidduchju hè statu accoltu à u spidali d’Aiacciu, toccu da un « purpura fulminans », ghjuntu cù una infizzioni invasiva meningococcica.
Parvia di a so saluta ch’impinsirisci, hè statu purtatu, in cor’ di dopu meziornu in avviò sanitariu in Marseglia, hà pricisatu l’Agenza.
Liendu si à i sirvizia cuncirnati, l’ARS hà fattu i invisticazioni epidemiologichi da idintificà è trattà, in privinzioni, i parsoni in cuntattu è à risichi di a famidda, di u circondu midicali è di a ciucciaghja.
Sissanta cuntatti – trà i quali 31 ziteddi – sò stati idintificati è ani ricivutu (o ricivarani da quì à dumani) un trattamentu antibioticu da fà ch’idd’ùn affacchini casi novi.
L’ARS dumanda à l’aienti d’ùn prisintà si à l’urgenzi è d’ùn andà ind’è unu spiziali, innanzi d’essa stati cuntattati da un medicu o una infirmiera di l’ARS, è di chjamà u 15 par casu ch’iddi venghini calchì sintumi.
Eccu li d’altrondi, i sintumi :
- peni in capu dulenti à veru è frebba
- sinsibilità à u lumu (fotòfubia)
- coddu sticchitu, fatica è dirruchjatura
- tacchi russi o viulacei (purpura) à nantu à a parsona, suttu à a peddi
Sur le même sujet
