Catalogne : ce que la Corse doit retirer du résultat de la consultation de ce dimanche
(A redazzioni d'Alta Frequenza) - Iè à l’indipendenza di a Catalogna cù guasgi 81% ! Eccu u risultatu pruvisoriu di a cunsultazioni urganizata ssa dumenica, è cuntisata da u Statu spagnolu. Guasgi dui millioni d’alittori ani dittu di sì à a criazioni di un Statu indipendenti in Catalogna. Un votu simbolicu solu parchì ramintemi chì u Statu spagnolu, com'è no a diciami, hè uppostu più cà mai è cù forza à ssa dimarchja, è pudaria ancu pona una lagnanza in ghjustizia contr'à l'urganizatori. Erani prisenti sopralocu usservatori internaziunali numarosi, corsi par asempiu, com'è una dilegazioni di Corsica Libera purtata da Ghjuvan Guidu Talamoni, com’ellu era statu u casu calchì sittimana fà in Scozia pà u votu annant’à l’indipendenza. Era dinò prisenti in Catalogna l'anzianu diputatu aurupeu autunumistu, chì faci parti di l'Allienza Libara Aurupea è di u PNC, François Alfonsi. Par ellu, ciò chì s'hè passatu ssa dumenica hè un evenimentu storicu maiò. Ancu s'è i cundizioni ùn sò micca riuniti di sicuru pà pudè ripruducia un schema simuli in Corsica, ss'attu pò ghjuvà à fà nascia calcosa da un puntu di vista puliticu inde l'isula.
Steti à senta à François Alfonsi.
Sur le même sujet
