Catalogne indépendante au sein de l'Union Européenne, une évidence pour François Alfonsi
(A redazzioni d'Alta Frequenza) - Tombula pà l'indipendentisti duranti l'alizzioni regiunali in Catalogna ! I dui listi di ssu currenti, "Insemi pà u iè" è a "Candidatura d'unità pupulari", ani uttenutu a maghjurità assuluta in numaru di sedii in u parlamentu, vali à dì 72 annant'à 135, ma micca in numaru di voti cù 47,8%. Pocu impremi ciò ch'ellu dici u guvernu cunservatori spagnolu, u populu catalanu camina ver di a so indipendenza è u scopu hè oramai di crià i cundizioni di a famosa secessioni. François Alfonsi, anzianu diputatu aurupeu è presidenti di l'Allienza Libara Aurupea, era prisenti ssa dumenica in Barcelona cù una dilegazioni corsa pà suvità l'alizzioni. À a dumanda "a Catalogna pudarà stà nentru à l'Unioni Aurupea?", una minaccia di Madrid par asempiu, l'autunumistu isulanu dici di una manera sicura "iè".
Steti à senta à François Alfonsi.
