Catastrophe de Furiani : Gilles Simeoni prend position en faveur du collectif des victimes
(A redazzioni d'Alta Frequenza) - Sò 22 anni oghji (luni) chì a tribuna Nordu di u stadiu Armand Cesari, custruita à l'infuria, si n'hè falata à calchì minuta di u principiu di a meza finali di a Cuppa di Francia di ballò trà u SC Bastia è l'Olympique di Marseghja. Ssu 5 di maghju di u 1992, a festa s'hè trasfurmata in castastrofa. Diciottu parsoni sò morti è parechji millai sò stati feriti. È mentri chì 22 anni dopu à ssa tragedia, u cullettivu si batti sempri da fà chì più nisun scontru sighi ghjucatu in Francia un 5 di maghju, ciò chì sarà torna u casu oghji in Lega 2, com'è ogni annu, ci sarani cumemurazioni. Prima, à 4 ori, davanti à a stela di u ricordu accantu à u stadiu, ci sarà una ceremonia, nanzi à una messa à 6 ori in mimoria di i vittimi in catedrali Santa Maria di Bastia. L'uccasioni di vultà annant'à i sustegni di ss'ultimi ghjorni à prò di a lotta di i vittimi è di i so famighji. Unu hà avutu un pesu assai simbolicu, postu ch'ellu si tratta di quillu di u merri di Bastia, Gilles Simeoni, è di tuttu u cunsighju municipali di a cità. Un sustegnu chjaru di a municipalità di Bastia chì hè una nuvità.
Steti à senta à Gilles Simeoni.
