CCI 2A : le président et dix-neuf autres élus démissionnent
(A redazzioni d'Alta Frequenza) - U Presidenti di a Camara di Cummerciu è d’Industria di a Corsica Suttana si ni và, à tempu à 19 altri eletti. A dicisioni hè stata cunnisciuta arimani è pà spiegà ssa situazioni, Jean André Miniconi hà dittu nant’à Corse Matin ch’ellu hà demissiunatu pà « pruteghja i so eletti, l’agenti è l’istituzioni ». È d’aghjustà : « chì hè solu à u prezzu d’una parolla libara chì a Corsica ghjirarà u spinu à cumpurtamenti di un’antra età chì l’impidiscini di sviluppassi. I nostri cumpagni ùn meritani micca d’avè una CCI divisa chì ùn avanza micca nant’à i cartulari ecunomichi maiò ». Jean André Miniconi dici dinò ch’ellu hè cuscenti chì « i tinsioni sò cusì impurtanti chì ùn si pudarà micca travaghjà cù u scopu d’appiecà u prugramma par cosa semi stati eletti ». In ssu cuntestu, ci sò parechji pussibilità. Sighi a Prifittura stima chì di fattu, a Camara di Cummerciu suttanaccia pò viaghjà cù l’eletti chì fermani, sighi cunsidareghja chì una dissuluzioni è un’alizzioni nova sò nicissarii.
Sur le même sujet
