CD2B : vers un schéma départemental unique pour le social et le médico-social
(A redazzioni d'Alta Frequenza) - L'emiciculu di u Cunsighju Dipartimintali di Corsica Suprana, apparagunatu à quillu di Corsica Suttana calchì ghjornu prima, s'assumighjava à un veru locu di paci ssu marti duranti a sissioni misinca. Un dibattitu d'urientazioni bughjettarii senza rimusciu, salutatu da una parti di l'uppusizioni è cumintatu senza passioni da l'altra hà custituitu u piattu maiò di una certa manera assai lazzu di ssa sissioni. Infini, hè l'intrata chì hè stata a più intarissanti, ancu s'ella era appena tennica, parchì cuncirnava u futuru schema dipartimintali unicu in u duminiu suciali è medicusuciali. Un schema chì hà da parmetta di renda più simplici ed efficaci l'azzioni inde i duminii com'è a dipindenza o a presa in carica di i malati cronichi chì t'ani bisognu di curi impurtanti è certi volti scarsi.
Steti à senta à François Orlandi, u presidenti di u Cunsighju Dipartimintali di Corsica Suprana.
