Centrale de Bastia : le collectif contre les centrales au fioul inquiet
(A redazzioni d'Alta Frequenza) - L'emi dighjà ditta arisera, l'associu A Sintinedda hà vintu inde l'affari chì l'uppunia à a prifittura di Corsica, quilla inghjiru à l'arrestu prifitturali chì autorizava a stallazioni di a nova cintrali EDF nant'à u tarritoriu di Bastilicaccia. Rammintemi chì u tribunali amministrativu di Bastia avia asaminatu u 5 di farraghju scorsu a dumanda in annulazioni posta da l'associu, è hà dunqua datu raghjoni issu marti à iss'ultimu, ind'u so ghjudiziu difinitivu. Rammintemi dinò chì u rapurtadori publicu avia rilevatu inde l'arrestu prifetturali un viziu di prucedura, i furmalità chì duviani essa fatti prima à a qualificazioni di prughjettu d'intaressu ghjinirali essendu forsa micca stati rispittati. L'associu aspetta oramai a lettara di u tribunali amministrativu di Bastia pà cunnoscia a scrittura esatta di l'arrestu, è darà solu una riazzioni à issu mumentu quì. S'è A Sintinedda hè suddisfatu da l'andatura di l'avenimenti pà ciò chì tocca à a cintrali d'Aiacciu, ùn hè mancu appena u casu pà a cintrali di Bastia. U cullettivu contr'à i cintrali à u fuel hè assai intimuritu di pettu à comu viaghjani l'affari pà issa cintrali. Di chì si tratta ?
C’est ce que nous dit Jean-Nicolas Antoniotti pour le collectif.
Sur le même sujet
