Centrale du Vazzio : encore des inquiétudes
(A redazzioni d'Alta Frequenza) - Ciò chì s'hè passatu a sittimana scorsa in u Vaziu, induva un focu viulenti hà guasgi toccu a cintrali di u listessu nomu, laca spuntà inchietudini. U risicu "Boil Over" hè calcosa di guasgi scunnisciutu da tuttu u mondu; si tratta tuttu simpliciamenti, s'è i materii chì poni brusgià scaldani, u fuel par asempiu, di l'acqua, prisenti di sicuru inde u fuel, chì si metti à bolla, ciò chì pò inghjinnà una splusioni. Ssu risicu hè statu presu in contu in Lucciana, postu chì i conchi, d'8 000 m3 à l'urighjini, sò stati ridutti di più cà a mità, ciò chì riduci quì dinò a zona d'impattu murtali. Ùn hè micca u casu di u Vaziu, induva i trè conchi di 10 000 m3 imponini di regula un perimetru di securità d'825 metri. Inchietudini veri o simplici riflessioni di spicialisti ?
Steti à senta à Jean Nicolas Antoniotti, pà l'associu Aria Linda.
Sur le même sujet
