Centrale du Vazziu: des déclarations polyphoniques qui interpellent
(A redazzioni d'Alta Frequenza) - Europe Écologie les Verts, Aria Linda è A Sintinedda ani urganizatu ssu ghjovi da mani una cunfarenza di stampa in Aiacciu nant'à u cartulari di a cintrali di u Vazziu. Par essa più pricisu, si trattava di riagiscia à i dichjarazioni fatti pocu fà da u direttori ghjinirali d'EDF pà a Corsica Jacques Thierry Monti, eppo da u diputatu liberali di Corsica Suttana Laurent Marcangeli, è infini da u presidenti UMP di a Cumissioni d'inchiesta "Costu veru di l'elettricità" à u Senatu, Ladislas Poniatowski. Dichjarazioni chì facini tema à u partitu puliticu è à i dui associ un rinculu pà u rinnovu di a cintrali di u Vazziu chì si devi fà à u gaz, è micca à u fuel lighjeru o mantinendu tuttu simpliciamenti u fuel pisivu. Dinunziendu torna una volta i cunsiquenzi chì sariani inghjinnati pà a saluta, EELV, Aria Linda è A Sintinedda dumandani più cà mai à i puliticanti isulani i più alti d'incaricà si daveru di ssu cartulari quì. Chì sò esattamenti ssi dichjarazioni chì facini riasgiscia à più pudè Europe Écologie les Verts è i dui associ di lotta contr'à i cintrali à u fuel ?
Steti à senta i pricisioni di Dominique Lanfranchi, pà l'associu A Sintinedda.
Sur le même sujet
