Centrales de Lucciana et Bastelicaccia: Eva Joly rencontrera les différentes associations
(A redazzioni d'Alta Frequenza) - A nova cintrali di Lucciana, com'è a sapeti, hè infini isciuta da a tarra è u cantieri avanza bè par avà. A missa in serviziu prugressiva duvaria intarvena in u 2013 è com'è tuttu u mondu a sà dinò, u lanciamentu si farà à u fuel pisivu. S'è issa quistioni di u cumbustibuli ci scappa, d'appressu à i parolli di Jean-Michel Lebeau, presidenti di EDF-PEI, l'uppunenti à i cintrali à u fuel sani chì issa quistioni ùn hè ancu stata chjosa. Iss'ultima s'invitarà d'altrondi a settimana chì veni ind'a campagna eletturali cù a visita d'Eva Joly chì farà un'intarvinzioni mediatica nant'à u situ stessu di Bastilicaccia. S'è a sorti di Lucciana pari dicisa, fin'è un novu avenimentu, pari bè chì in Bastilicaccia l'associ cuntessini bè andà di fronti contr'à a custruzzioni di una cintrali chì pudaria smarrà, anch'ella, à u fuel pisivu. Dominique Lanfranchi, cù l'Associu A Sintinedda è tanti altri, accughjarà à Eva Joly in Bastilicaccia.
Écoutez Dominique Lanfranchi
Sur le même sujet
