CG2B : Jean-Louis Milani fidèle à la majorité de Bastia mais dans le camp libéral
(A redazzioni d'Alta Frequenza) - Facciu parti di a maghjurità municipali ma lacu u me culori di diritta solu davanti a merria, eccu à pocu pressu ciò ch'ellu hà dittu di una manera forti Jean Louis Milani, chì, com'è privistu, hà da ritruvà u gruppu liberali di u cunsighju dipartimintali. Una pusizioni chì, d'appressu à ellu, ùn l'impidisci micca di rispittà l'accordu firmatu nanzi à i dipartimintali, parchì s'ellu ùn faci micca parti di u listessu gruppu cà i trè altri eletti di a maghjurità municipali, aduniti ind'u gruppu Inseme di Vannina le Bomin, hè quantunqua un cunsighjeru dipartimintali d'uppusizioni. È s'è duranti u votu pà a presidenza di u cunsighju, hà datu u so votu à Jean Dominici, candidatu di a famighja liberali, a so assenza hè stata rimarcata duranti u votu pà i vici presidenzi, induva u restu di u gruppu di diritta hà vutatu pà a lista di a maghjurità, chì hà datu l'ottesima vici presidenza à un'eletta liberali, Charlotte Terrighi, chì era in duettu cù Jean Dominici in u cantonu di Borgu. Un votu induva u gruppu Inseme avia prisintatu a so lista, ciò chì pò lacà pinsà chì ss'assenza hè stata a prova di una brama di neutralità par ùn vutà micca à prò di una lista di a maghjurità dipartimintali.
Steti à senta à Jean Louis Milani, cunsighjeru dipartimintali di u cantonu di Bastia II.
Sur le même sujet
