CG2B : la dette en baisse alors que l'effet ciseau du RSA pèse sur les finances
(A redazzioni d'Alta Frequenza) - Diventa oramai una tradizioni, i servizi di u cunsighju generali di Corsica Suprana ani urganizatu una cunfarenza di stampa à a vigilia di a sissioni di ssu ghjovi. È torna una volta, sò i finanzi chì sarani in prima ligna, prima ind'u quadru di u RSA, u so finanziamentu essendu à a carica di i dipartimenti. Una spesa in crescita ogni annu è impussibuli à riducia ancu quandu i ricetti sò minimi, ciò chì inghjenna un effettu particulari, chì ubligheghja u cunsighju generali à caccià in un locu pà metta in un antru. Ma malgradu tuttu, u debbitu di u dipartimenu cala, cù daretu à què una lotta ghjudiziaria contr'à ciò chì era prima a banca Dexia pà imprestiti. Una lita chì in casu di fini pusitiva pudaria sbuccà annant'à u rimbursamentu di tutti l'intaressi chì sò dighjà stati virsati.
Steti à senta à Marie Hélène Djivas, a direttrici generali di i servizi di u cunsighju generali di Corsica Suprana.
