Chantier des exutoires à Ajaccio : satisfaction de l'opposition municipale
(A redazzioni d'Alta Frequenza) - U cantieru maiò di i scarichi di l'acqua piuvana di a cità d'Aiacciu cuntinueghja è sariamu ancu appena in avanza di pettu à u calendariu privistu prima. S'è a circulazioni stradali s'hè adattata à u spiazzamentu di i sfarenti cantieri, un colpu à diritta, un colpu à manca, ùn hè micca u casu di i camini di farru di a Corsica chì ani vistu tutti i circulazioni piantati trà l'arrestu di i Salini è a gara cintrali. Tuttu u trafficu di u trenu, ch'ella sighi cù a linea di Bastia cà cù i lei periurbani, hè statu trasferitu annant'à a strada, ciò chì inghjenna parechji pinseri à l'usadori è à a cumpagnia di i Camini di Farru di a Corsica. Una bona nutizia : privista prima pà u 14 di ghjunghju, a via ferrata sarà "resa" u 9 di ssu mesi, vali à dì calchì ghjorni prima. S'è u cantieru di i scarichi ùn si cumpiarà micca à ssa data quì, postu ch'ellu c'hè torna assai travaghju daretu à i vii di circulazioni, un passu maiò hè statu francatu cù un ritornu à a nurmali pà l'assi maiò di circulazioni. A visita di i cantieri urganizata arimani da a municipalità hà parmissu di fà nascia assai cuntintezza, ancu inde l'uppusizioni chì era prisenti arimani è par asempiu Paul Antoine Luciani.
U stemi à senta.
Sur le même sujet
