Charte de la commande publique pour le BTP en Corse : satisfaction des professionnels
(A redazzioni d'Alta Frequenza) - Una cartula di a cumanda publica in Corsica pà u settori di a custruzzioni è di i travaghji publichi hè stata signata vennari in prifittura d'Aiacciu. Ani signatu ssa cartula u Statu, a Culittività Tarrituriali di Corsica, i cunsighji dipartimintali, i dui intercumunalità maiò di l'isula, l'associ di i merri, i CCI è a Camara regiunali di i Mistieri, l'urganisazioni patrunali, l'architetti, u mediatori di i marcati publichi è di sicuru i prufiziunali di u BTP. Un ducumentu chì t’hà com’è scopu d’uttimizà ssa cumanda publica è di fanni un vantaghju pà a cumpetitività di l’intrapresi assai chjuchi è mezani lucali, chì vedini marcati publichi numarosi, cunsidarati com’è cumplessi, scappalli. Un veru rifiatu pà i prufiziunali di u BTP, com'ellu a ci spiega u presidenti di a federazioni di Corsica Suttana.
Steti à senta à François Perrino.
