Chemins de Fer de la Corse : Jean-Jacques Panunzi veut rester vigilant
(A redazzioni d'Alta Frequenza) - I Camini di Farru di a Corsica sò oramai inde una Sucità d'Ecunumia Mista chì pighjarà effettu à partasi da u prima di ghjinnaghju è di u quali u primu presidenti hè Michel Stefani. A sapemi dinò, aldilià di a Cullettività di Corsica participeghjani à sta SEM, i dui dipartimenti, i dui grandi cumunità d'agglumerazioni, ma dinò i Camati di Cumerciu è a SNCF. L'attribuzioni di soldi pà tutti issi strutturi, fora di a SNCF, hè piuttostu mudesta, 60 000 auri par omu, ma u fattu d'integrà issa furmazioni hà fattu nascia quantunqua inchietudini. Si sà chì i Camini di Farru di a Corsica ùn pni fà guadagnà soldi, u raportu trà i ricetti è i spesi essendu in fatti da 1 à 10 è chì dunqua solamenti a suvvenzioni di a Cullettività di Corsica parmittarà d'equilibrià u bughjettu. Paulu Giacobbi, à prupositu di què d'altrondi, ùn voli micca parlà di un qualsiasi sbilanciu. Hà ancu aghjustatu chì l'altri cullettività ùn avarani micca à assuma a culmata di un sbilanciu, s'è sbilanciu ci hè, ciò ch'ùn impedisci micca à Jean-Jacques Panunzi, presidenti di u Cunsighju Ghjinirali di Corsica Suttana, à fà casu.
Écoutez Jean-Jacques Panunzi.
Sur le même sujet
