Chiffres de l'INSEE sur la population Corse : la réaction d'Alain Tempier
(A redazzioni d'Alta Frequenza) - A Corsica t'avia à u 1a di ghjinnaghju di u 2010 esattamenti 309 693 abitanti ma a parolla "esattamenti" ùn hè forsa micca a più bona. Si tratta in fatti di a pupulazioni ditta "legali" cù un sciffru chì hè à spessu di sottu di pettu à a pupulazioni ditta "municipali", quilla chì omu rileva nant'à i registri di statu civili. Nant'à u periudu 2006 / 2010 a Corsica s'hè "arricchita" di 16 000 abitanti ciò chì ni faci u rughjoni metrupulitanu u più altu à u nivellu di a crescita. 1,3% contr'à 0,6% in media naziunali. Cù à l'ingrossu, 4000 ghjunti in più ogni annu, si pò stimà chì a pupulazioni di l'isula pà issu principiu d'annu 2013 hè trà 315 / 318 000 parsoni. Com'è u sciffru nasciti / morti in Corsica hè negativu, si tratta dunqua di sicuru di novi parsoni chì ghjunghjini è l'INSEE anch'ellu impieca a parolla "immigrazioni". È à l'arringuerciu di ciò chì omu pò pinsà di regula, ùn si tratta micca solu di pupulazioni anziana chì ghjunghji in Corsica pà passà si la bè pà a ritirata.
Alain Tempier directeur régional de l'institut national de la statistique.
Sur le même sujet
