Chiffres du chômage au mois de juillet : la saison touristique en question
(A redazzioni d'Alta Frequenza) - I sciffri di u marcatu di u travaghju pà u mesi di lugliu sò stati publicati ssu marcuri à sera. Sciffri chì senza surpresa ùn sò micca boni torna una volta. In fatti in Corsica, erani 20 631 scritti ind'i categurii A, B è C à dumandà un impiecu à a fin di u mesi scorsu. Ssu numaru cresci di 1,1% di lugliu di u 2014 (+11,3% annant'à un annu). In Francia metrupulitana, u numaru di parsoni chì dumandani un impiecu scritti in ssi listessi categurii cresci di 0,8% di pettu à a fin di ghjunghju (+5% in un annu). Pà dipartimentu, ssu numaru di parsoni di categurii A, B è C hè trà +0,3% in Corsica Suttana è +1,7% in Corsica Suprana à u mesi di lugliu di pettu à a fin di ghjunghju. Duranti ssu mumentu di l’anni, si vedi piuttostu di regula sciffri di u marcatu di u travaghju abbastanza boni par via di l’impiechi di a staghjoni. A colpa à a frequentazioni pessima ss’istati par asempiu, sicondu i prufiziunali di u turisimu.
Steti à senta à Roland Dominici, pà a Cuurdinazioni di l’Industrii Turistichi di a Corsica.
Sur le même sujet
