Chômage : ces moyens de lutte qui ne fonctionnent pas vraiment en Corse
(A redazzioni d'Alta Frequenza) - I sciffri di u disimpiegu, vi n’emi dighjà parlatu, ùn sò micca boni pà u mesi di marzu. S’aspetta oramai cù un certu pinseru quilli di u mesi d’aprili chì sò una dimustrazioni appena di più significativa di a tindenza ecunomica di u tempu nanzi à a staghjoni turistica. Ramintemi chì in a categuria A, erani di marzu 18 188 in cerca di un impiegu è più di 22 000 pà tutti i categurii. A DIRECCTE è Pôle Emploi pruponini, pà sciappà ssa tindenza à u disimpiegu, una mansa di cuntratti aiutati chì par disgrazia si ritrovani à spessu urfanelli. À mezu à quissi quì, ci sò i cuntratti Generazioni chì t’ani com’è scopu di renda più faciuli a trasmissioni di l’intrapresi di l’impiegati i più vechji chì piantani a so attività pà lacalla à i ghjovani chì si stallani. È ssa formula ùn viaghja micca in Corsica, com’ellu a ci dici Pierre Peladan, u direttori regiunali di Pôle Emploi.
U stemi à senta.
Sur le même sujet
