Christophe Mirmand, nouveau préfet de Corse
(A redazzioni d'Alta Frequenza) - Patrick Strzoda ùn sarà più u prifettu di Corsica, funzioni ch'ellu t'avia dipoi marzu di u 2011. In fatti, dopu à u Cunsighju di i ministri di issu marcuri, è nant'à una pruposta di u ministru di l'Internu Manuel Valls, Patrick Strzoda hè statu numatu prifettu di Brittagna, prifettu di zona di difesa è di securità punenti è prifettu d'Ille et Vilaine. Hè rimpiazzatu da u prifettu di l'Alpi Marittimi, Christophe Mirmand, 52 anni, duva ellu sarà firmatu 11 mesi. Iss'ultimu hà avutu i listessi funzioni in Savoia ; hè statu ancu secretariu ghjinirali aghjuntu è direttori di a mudernisazioni è di l'azzioni tarrituriali à u ministeru di l'Internu, di l'Outre Mer è di i cullettività tarrituriali trà u 2008 è u 2010.
Sur le même sujet
