Christophe Mirmand, nouveau préfet de Corse
(A redazzioni d'Alta Frequenza) - Christophe Mirmand hà presu arimani (luni) i so funzioni di prifettu di Corsica Suttana è di prifettu di Corsica, diventa dunqua u più altu rispunsevuli di u Statu nant’à l’isula, è com’è sempri pà rispittà a tradizioni scuntrava eri dopu meziornu a stampa righjunali. Postu chì pari chì certi media sò privileghjati di pettu à d’altri par avè i primi l’infurmazioni, emi dicisu di ùn micca diranghjà ci pà dà vi un’infurmazioni chì finalmenti ùn hè più un’infurmazioni, tuttu essendu dighjà statu publicatu dipoi parechji ghjorni. Vistu u caldu chì faci, un picculu mumentu à a piaghja ci avarà apprufittatu di più cà un scontru ind’i saloni di u Palazzu Lantivy. Dì è rammintà chì a crianza, l’equità è a cunsiderazioni ver di l’altri ùn asistini più ùn ghjova à nulla, ma ci faci prò quantunqua di rammintà la.
Sur le même sujet
