Clémentine Autain pour une vraie mobilisation en Corse en faveur d'une VIème République
(A redazzioni d'Alta Frequenza) - Clémentine Autain, porta voci "micca ufficiali" assai mediatica di a FASE, a Federazioni pà un'alternativa suciali è eculogica, è vicina à u leader di u Front de Gauche Jean Luc Mélenchon era in Aiacciu issa dumenicata. Quissa quì hà rispostu à l'invitu di A Manca Alternativa chì urganizava sabbatu un scontru dibattitu cù i so militanti. È com'è sempri, Clémentine Autain hà tiratu à balli rossi nant'à u liberalisimu è i pulitichi d'austerità in Francia è in Auropa, fendu falà d'altrondi nant'à l'attitudina di u guvernu francesi ind'a materia, chì t'hà di manca solu u nomi à parè soiu. Ci hè una suluzioni unica pà Clémentine Autain: una mubilisazioni pupulari larga è a nascita di una VIa Republica, cù frà altru un cambiamentu sanu di l'istituzioni in Francia. Par ella, una riforma di l'istituzioni specifica à a Corsica ùn parmittaria micca d'andà inde u sensu di issa VIa Republica. Una Corsica chì, aldilà di i cunsidarazioni corsi è solu corsi, devi avè u postu chì devi essa u soiu inde issa "mossa pupulari" cusì vulsuta, à parè soiu.
Ecoutez Clémentine Autain.
Sur le même sujet
