Climat délétère à la prison de Borgu : l'Associu Sulidarità et la LDH Corse organisent une conférence-débat à Bastia
(A redazzioni d'Alta Frequenza) - "Que se passe-t-il à la prison de Borgu ?". Eccu comu si chjamarà a cunfarenza dibattitu urganizata sabbatu chì veni à 3 ori à u Teatru Sant'Angelo di Bastia da a Lega di i Diritti di l'Omi di Corsica è l'Associu Sulidarità. I dui associ darani a pussibilità à a pupulazioni di cunnoscia parechji testimunianzi d'avucati è di famighji di prighjuneri di Borgu frà altru, pà pudè cunfirmà ciò chì quissi quì dinunziani dipoi parechji mesi oramai, un ambiu propiu pessimu drentu à u stabilimentu. Rammintemi chì, u direttori, sicondu i sfarenti testimunianzi cumunicati da Sulidarità è a LDH, cù l'appoghju di certi funziunarii, ùn piantaria micca " di pruvucà è di turmentà certi prighjuneri". Un ambiu dinunziatu di un'antra manera d'altrondi da i parsunali FO di a prighjoni di Borgu, "parlendu d'abusi d'autorità, diffamazioni è fastidiu" da a parti di u direttori contr'à elli stessi. Da nutà chì una lettara hè stata mandata dinò à a ministra di a Ghjustizia Christiane Taubira da Sulidarità è a LDH, pà alertà torna una volta l'autorità cumpetenti di a situazioni fatta à i ditenuti.
Ecoutez Jean-Marie Poli, pour l’Associu Sulidarità.
Sur le même sujet
