Clinique privée sur le site du nouvel hôpital d'Ajaccio : la CFDT rue dans les brancards
(A redazzioni d'Alta Frequenza) - Dopu a cumunicazioni di u STC in principiu di sittimana annant’à u futuru uspidali d’Aiacciu è u prughjettu di custruzzioni annant’à u listessu situ di una clinica privata, tocca à a CFDT d’indignassi. Pà u sindicatu, « ssu cartulari manca propiu di trasparenza ». U direttori di l’Agenza Regiunali di a Saluta « và contr’à l’intaressi di u serviziu publicu di saluta è di a presa in carica di i residenti corsi impunendu un stabilimentu privatu annant’à u tarrenu di l’uspidali », cuntinueghja ss’ultimu. « Ùn hè mai stata ditta, in un ducumentu ufficiali, chì una clinica saria custruita annant’à ssu tarrenu ». « A custruzzioni di l’uspidali novu, oghji validata è indispinsevuli pà a pupulazioni corsa, ùn devi micca essa missa à mali da a strategia di u fiascu purtata da certi », compii a CFDT.
Sur le même sujet
