Co-officialité de la langue corse: le veto gouvernemental
(A redazzioni d'Alta Frequenza) - "Circulez, y a rien à voir!" Eccu à l'ingrossu ciò ch'ella hà dittu arisera (marcuri) Aurélie Filippetti, a ministra di a Cultura davanti à l'Assemblea naziunali. Hè ciò chì s'era intesu dinò calchì ghjornu fà da a parti di u Cunsighju custituziunali pà ciò chì tocca l'arrestu Miot è chì hè liatu finalmenti à a listessa prublematica. U dibattitu nant'à a ratificazioni da a Francia di a Cartula nant'à i lingui minuritarii, aldilà di i presi di pusizioni di l'uni è di l'altri, a manu nant'à u cori certi volti, avarà fattu cunnoscia in tutti i casi una risposta più cà chjara di u guvernu. Resa dighjà più lighjera di pettu à u testu aurupeu urighjinali, ssa cartula à l'usu francesi ùn pudarà sottu intenda di nisun manera una qualsiasi nuzioni di cuufficialità. Tuttu hè dittu, è pocu impremi oramai chì ssa cartula quì sighi aduttata o micca parchì pà ciò chì hè di a lingua corsa, pari bè chì tuttu sighi statu dicisu, ind'u quadru custituziunali è istituziunali attuali.
Steti à senta à Saveriu Luciani, pà u gruppu Femu a Corsica di l'assemblea di Corsica chì cunnosci propiu bè ssa quistioni.
Sur le même sujet
