Co-officialité : la pomme de discorde
(A redazzioni d'Alta Frequenza) - Cunvenzioni trà u Statu, a Cullittività di Corsica è l'Università di Corsica, o dui cunvenzioni Università / Cullittività eppo Università / Statu ? Ùn si pò micca dì chì u dibattitu chì c'hè statu arimani (ghjovi) à l'Assemblea avarà parmissu di fà avanzà assai i cosi. Ramintemi chì a cunvenzioni trà u Statu, a CTC è l'Università è chì poni i reguli di u sviluppu di quissa quì, ùn hè ancu stata firmata par via di una "parullaccia". A parolla "cuufficialità" hè prisenti in fatti in ssu ducumentu è u Statu hà postu com'è cundizioni di ratificazioni di quissu quì a sparizioni di una rifarenza chì scumoda. A muzioni prisintata da Corsica Libera, è chì s'hè trasfurmata in muzioni di l'Assemblea di Corsica, hè stata discorsa assai parchì ci vulia à truvà una furmulazioni chì pudaria essa "accittevuli" da i trè parti. Malgradu un votu cunfurtevuli, ci semi ghjunti à què?
Steti à senta a riazzioni di Paul Marie Romani, u presidenti di l'Università di Corsica.
Sur le même sujet
