Coefficient géographique : un point c'est tout
(A redazzioni d'Alta Frequenza) - Xavier Bertrand cunfirmeghja, ind'una lettara di l'8 di marzu pà Sauveur Gandolfi-Scheit, chì u cuefficenti geugrafficu di a Corsica in materia di saluta hè passatu dipoi u 1u di marzu da 7 à 8%. U ministru di a Saluta ricunnosci i specificità riali di u rughjoni corsu è brama chì i stabilimenti di saluta cuncirnati cuntinuessini à rializà i so missioni ind'i più boni cundizioni. Ùn si sà par avà s'è un puntu in più di cuefficenti geugrafficu pudarà veramenti fà cambià i cosi in materia di saluta nant'à l'isula. A riazzioni di u mondu sindicali o ancu pulitica ùn duvaria stà tantu à spuntà.
