Cogénération : les établissements Mufraggi gardent l'espoir
(A redazzioni d'Alta Frequenza) - L'energii di rinnovu ! Di manera generali tuttu ognunu dici ch'ellu i difendi, ma pari chì ogni volta ch'ellu spunta un prughjettu, un prublema di scelta di un locu di stallazioni si poni. In fatti, ch'ellu si trattessi di u ventu, di l'acqua, di u soli è avali di a biomassa, l'avisi s'inversciani di pettu à a vicinanza cù i stallazioni privisti. A cugenerazioni - si brusgia u legnu è resti di legnu in una cintrali pà pruducia l'elettricità - hè un uzzioni energetica assai è assai sustinuta da u guvernu. Ss'attività hè in fatti u cumplementu naturali di una filiera legnu urganizata è sviluppata, ed hè u prughjettu ch'ellu avia privistu di fà in Santa Maria è Sichè in cumplementu di una segaria chì asisti dighjà un'intrapresa corsa. Dipoi tandu, sapemi ciò ch'ellu hè divintatu u prughjettu. Un cumitatu di difesa s'hè uppostu cù una forza putenti à quissu quì, ciò chì hà ubligatu l'intrapresa à annulà, ma peghju, à riducia u numaru d'impieghi ind'a segaria chì asisti dighjà.
Steti à senta à Jean Pierre Mufraggi chì porta cù i stabilimenti di u listessu nomu ssu prughjettu è chì ùn perdi micca a spiranza di truvà una cumuna chì i vularà accoglia.
Sur le même sujet
