Collectivité unique : le Conseil départemental 2A persiste et signe
(A redazzioni d'Alta Frequenza) - "U mortu ùn hè micca tuttu à fattu mortu ! Hè inde l'imbulanza sicura, ma pò torna rinvivì !" Eccu u linguaghju adupratu ssu luni da Pierre Jean Luciani à l'uccasioni di l'ultimu dibattitu di u Cunsighju Dipartimintali di Corsica Suttana cuncirnendu a Cullittività unica. L'ultimu dibattitu nanzi a riunioni ssu marti à l'Assemblea di Corsica chì amintarà a quistioni di l'urdinanzi liati à a Cullittività unica, ma un dibattitu chì pudaria podassi cunnoscia calchì cambiamentu duranti l'alizzioni chì venini. Hè in tutti i casi a brama di Pierre Jean Luciani, chì hè vultatu ssu luni duranti u so discorsu nant'à i fundamenti di a so argumentazioni, vali à dì a ruralità, a raprisintazioni di i tarritorii o ancu u latu suciali.
Eccu l'intervista di u presidenti suttanacciu.
