Collectivité unique : un calendrier "dingo" selon Laurent Marcangeli
(A redazzioni d'Alta Frequenza) - Dopu a pulemica nata a simana scorsa trà i presidenti di i dui cunsighji dipartimintali è u presidenti di l'Esecutivu di Corsica nant'à un prughjettu di cartula cuncirnendu a missa in ballu di a cullittività unica, pulemica chjosa par avà, u dibattitu nant'à a fusioni di i trè cullittività maiò di l'isula ferma più cà mai. Chì sarà par asempiu u rolu di i diputati isulani, à u cuntattu direttu di i membri di u guvernu in a missa in opara di ssa riforma maiò ? Laurent Marcangeli, u diputatu è merri d'Aiacciu, chì dighjà dopu à u viaghju in Parighji di una dilegazioni d'eletti corsi ind'è u ministru Jean Michel Baylet, ùn avia micca piattu tutta a so inchietudini nant'à l'evuluzioni di ssu cartulari, voli avè u pesu chì devi essu u soiu cù a so famighja pulitica duranti i discussioni chì ani da cuntinuà fin'è u principiu di u 2018. Un affari hè sicuru par ellu è l'accerta : ghjudicheghja u calendariu "scemu", par asempiu di pettu à a mandatura troppu corta di u novu puteri in a Cullittività Tarrituriali di Corsica da fà chì un bilanciu currettu spuntessi da quì à menu di dui anni.
Steti à senta à Laurent Marcangeli.
Sur le même sujet
