Colloque Iniziativa Corsica : des échanges très fructueux selon Jean-Christophe Angelini
(A redazzioni d'Alta Frequenza) - Chjerchju di riflessioni "Alba Nova", Michel Rocard, manifistazioni in Aiacciu : chì raportu ? Ci n'hè bè unu, assai evidenti ! In fatti, a dimarchja ditta "iniziativa internaziunali pà una via pulitica in Corsica", hè stata dibattuta largamenti da parsunalità di prima trinca vennari in Aiacciu. C'era in fatti l'anzianu vici presidenti di a Generalitat de Catalunya, Roberto Louvin, chì hà raprisintatu u guvernu di a Valle d'Aosta, Jean Luc Benhamias, ch'ellu ùn c'hè più bisognu à prisintà, o ancu Francine Demichel, anziana direttrici di l'Università. Tutti i sughjetti di primura è di dibattitu asaminati vennari in Aiacciu faciani parta di i rivindicazioni di a manifistazioni di sabbatu. Cuufficialità di a lingua corsa, statutu di residenti, statutu fiscali o ancu annistia di i prighjuneri pulitichi è di i ricircati, ssi rivindicazioni maiò chì ani inghjinnatu voti impurtanti di l'eletti tarrituriali erani scritti annant'à parechji striscioni. Vultemi annant'à u dibattitu di vennari à l'Assemblea di Corsica, induva raprisintanti assai impurtanti di regioni ditti "nazioni senza Statu" sò ghjunti pà scambià cù certi raprisintanti di a Corsica i sparienzi in materia di dicintralisazioni, d'avanzati istituziunali, di raportu cù u Statu cintrali, missi in appiecazioni ind'i so paesi rispittivi dipoi un pezzu.
Steti à senta à Ghjuvan Cristofanu Angelini, cunsighjeru tarrituriali Femu a Corsica, dopu à ssi scambii assai ricchi.
