Comité de Massif : l'Exécutif de Corse à la rencontre des acteurs du territoire
(A redazzioni d'Alta Frequenza) - A Corsica t’hà oramai un schema di sviluppu in u quadru di u Cumitatu di Muntagna. Ssu schema prisenta l’azzioni futuri è i pulitichi à vena à prò di i lochi di muntagna. Vennari scorsu, l’esecutivu guasgi sanu era in Livia, pà una riunioni di travaghju di u Cumitatu di Muntagna. Educazioni, ecunumia, energia, apartura di i so lochi : tutti i sughjetti sò stati amintati cù l’eletti di u rughjonu, i servizi di u Statu, ma dinò prufiziunali di u settori. L’idea hè di prupona un sviluppu veru. Ssi scontri, altri sarani urganizati, sò a basa di l’assisi futuri di a muntagna di u 1 è di u 2 di dicembri in Niolu. S’integrani dinò di manera piena ind’a riflessioni purtata dipoi chì a Corsica t’hà u statutu d’isula muntagna.
Pricisioni è spiegazioni di Ghjuvan Filici Acquaviva, presidenti di u Cumitatu di Muntagna.
Sur le même sujet
