Commission Locale de l'Eau : quel intérêt ?
(A redazzioni d'Alta Frequenza) - Simon Renucci, n'emi parlatu ind'i nostri nutiziali passati, hè statu sceltu com'è presidenti di a CLE. A cummissioni lucali di l'acqua adunisci ind'una sola struttura i cumunità d'agglumerazioni d'Aiacciu, di l'Alta Valli di a Gravona, quilla di u Prunelli è u SIVOM di a "Rive Sud". A nuzioni di "bassin versant" hà dunqua supranatu tuttu parchì pà a prima volta, a cumunità geugraffica è umana di ciò chì omu chjama à spessu u grandi Aiacciu s'hè imposta. Issu veru parlamentu l'acqua hè incaricatu di metta in ballu u schema d'accunciamentu è di gistioni di l'acqui nant'à tutta issa zona, pighjendu dinò in contu u golfu di Lava chì pà contu soiu versa fora di u golfu d'Aiacciu. Ci voli à rammintà chì issa CLE asisti di modu effettivu dipoi farraghju di u 2012, dopu à una deliberazioni di l'Assemblea di Corsica. Ci voli à pricisà infini chì issa struttura hè gistita da i cullettività lucali, u Statu è da a cullettività di Corsica. Emi dighjà insistutu nant'à issu puntu, a cummissioni lucali di l'acqua hà riisciutu duva l'altri iniziativi ani fiascatu, aduniscia ind'una stessa struttura i dui spondi di un golfu chì si sò ghjirati u spinu duranti un tempu assai longu.
Valérie Bozzi, le maire de Grossettu Prugna, nous dit tout l'intérêt de ce regroupement.
Sur le même sujet
