Communauté d'Agglomération de Bastia : le tri sélectif très peu utilisé
(A redazzioni d'Alta Frequenza) - 1 974 tunnellati in u 2014. Eccu u sciffru chì dimostra tutta a difficultà di fà u scumpartimentu di i rumenzuli un gestu naturali in a Cumunità d'Agglumerazioni di Bastia. S'è ssu sciffru cresci di 3,6% annant'à un annu, ferma assai di sottu di pettu à ciò chì si faci, in prupurzioni, ind'a parti a più maiò di i cità di u cuntinenti induva u scumpartimentu hè missu in ballu. Una rialtà illustrata da un antru sciffru. Induva a media di i rumenzuli residuali par ogni abitanti hè di 288 chilò à u nivellu naziunali, ssu sciffru colla à 366 chilò in a CAB. S'è, ben intesu, a crisa di i rumenzuli hà dimustratu torna di più i prublemi forti in u duminiu, a CAB ùn avia micca aspittatu pà cumandà raporti è analisi pà pudè migliurà a situazioni à partasi di un antru annu.
Steti à senta à Guy Armanet, u merri di Santa Maria di Lota è vici presidenti di a CAB in carica di ssu cartulari.
