Communiqué du FLNC
(A redazzioni d'Alta Frequenza) - "Ripighjaremi l'armi da fà chì a Francia ricunniscessi i nostri diritti naziunali". Iss'infrasata sola rispechja bè u pinsamentu di l'urganisazioni clandestina FLNC. In un cumunicatu ghjuntu stamani (marti) ind'a redazzioni di France Bleu RCFM, u FLNC dici cù forza chì "a Francia ferma un Statu culunizatori". Issu cumunicatu longu volta nant'à a strada longa è difficiuli fatta da u naziunalisimu corsu dipoi più di 30 anni. A Francia, dici iss'ultimu, "com'è sempri, nega i so rispunsabilità ind'u scumbugliu ch'ella hà criatu eppuru". "Sradicà a lotta di liberazioni naziunali era pà u Statu francesi a sola priurità, chì hà utilizatu", dici u cumunicatu, "u grandi banditisimu contr'à u muvimentu naziunali". L'urganisazioni insisti bè nant'à u fattu ch'ella "ùn hè mancu appena liata à tali o tali muvimentu publicu" ; "qualsiasi intarpritazioni sfarenti hè falsa è fatta pà una manipulazioni vulintaria".
Sur le même sujet
