Communiqué du FLNC : la réaction d'Emmanuelle de Gentili (PS)
(A redazzioni d'Alta Frequenza) - U cumunicatu di u FLNC publicatu ssu marcuri cuncirnendu a demilitarisazioni prugressiva di l'urganisazioni è a so surtita di a clandestinità hà inghjinnatu bella sicura riazzioni numarosi ind'u mondu puliticu. Jean Zuccarelli, chì faci parti di l'esecutivu di Corsica, di l'uppusizioni municipali in Bastia è di u Partitu Radicali di Manca cunsidareghja chì u FLNC hà presu ssa dicisioni di pettu à u custatu di fiascu di i so metudi è di a viulenza pulitica. Malgradu tuttu, quissu quì voli firmà attenti, pinsendu à un pussibuli effettu d'annunziu. S'è a riazzioni di Jean Zuccareli pò simbulizà quilla di i republicani, ancu di manca, quilla di un'antra cumpunenti di a manca, anziana amica di Jean Zuccarelli, in tutti i casi in Bastia, c'hè propiu upposta. A manca ditta prugressista raprisintata soprattuttu in Corsica da u Partitu Sucialistu, si sà, t'hà una pusizioni pulitica in rumpitura tutali cù a visioni republicana di a quistioni corsa. Emmanuelle de Gentili vedi di sicuru inde ss'annunziu di u FLNC un elementu assai pusitivu.
Steti à senta a raprisintanti di u PS in Corsica Suprana.
