Communiqué du FLNC : la réaction de Paul Giacobbi
(A redazzioni d'Alta Frequenza) - U cumunicatu di u FLNC publicatu ssu marcuri cuncirnendu a demilitarisazioni prugressiva di l'urganisazioni è a so surtita di a clandestinità hà inghjinnatu bella sicura riazzioni numarosi ind'u mondu puliticu. Dopu à Jean Zuccarelli è Emmanuelle de Gentili, un antru elettu hè intarissatu à u primu pianu, Paul Giacobbi chì porta com'è no a sapemi dipoi longhi mesi oramai à l'Assemblea di Corsica un prughjettu ambiziosu pà a nostra isula, è què ind'a ricerca di un accunsentu u più largu pussibuli annant'à ssu prughjettu. Par ellu, ss'arrestu di a viulenza hè una tappa impurtanti pà l'evuluzioni di a situazioni in Corsica parchì, ancu s'è u ritimu puliticu ùn hè mai statu datu da a viulenza pulitica, l'arrestu di quissa quì caccia quantunqua parechji argumenti à l'uppunenti di qualsiasi evuluzioni.
Steti à senta u presidenti di l'Esecutivu di Corsica.
