Compagnie maritime corse : bientôt sur les rails ?
(A redazzioni d'Alta Frequenza) - Un protocollu d'accordu pà a criazioni di una cumpagnia marittima corsa! Hè cusì ch'ellu hè statu prisintatu, è cumintatu, u ducumentu datu à a stampa da l'Esecutivu di Corsica cumplettu. Eccu hè fatta, diciarani certi, ùn c'hè nulla di sicuru rispundarani l'altri! Ciò chì hè sicura, hè chì ssu protocollu d'accordu hè dighjà statu signatu da Corsica Linea, a Méridionale, u STC è a CFDT Corsica. Manca solu Maritima Ferries, l'anziana SNCM diretta oghji da Patrick Rocca. Par andà à u più simplici, si pò dì chì a cumpagnia nova sarà purtata da una sucità mista di sfruttera, cuntrullata à 51% da a CTC, quissa quì sarà urganizata da una sucità mista d'investimentu chì sarà pruprietaria di parechji attivi. A CTC sarà pruprietaria sclusiva di i battelli. Prima di stà à senta à Ghjuvan Filici Acquaviva, u presidenti di l'Uffiziu di i trasporti annant'à l'aspettu tennicu di u cartulari, eccu l'intervista di u presidenti di l'Esecutivu di Corsica chì prisenta a so parti piuttostu pulitica.
Steti à senta à Gilles Simeoni.
