Compétences des départements vers la Collectivé unique : le sentiment de Laurent Marcangeli
(A redazzioni d'Alta Frequenza) - U trasferimentu di tutti i cumpitenzi di i dipartimenti ver di a sola Cullittività Unica di Corsica à u principiu di u 2018, si sà, ùn faci mancu appena piacè à parechji rispunsevuli pulitichi, è micca solu. L'urdinanzi, i famosi, scritti in Parighji senza chì l'eletti isulani pudissini pà daveru par avà purtacci a so petra, lacani pocu piazza à un'antra pussibulità, quilla di dà una parti di ssi cumpitenzi à l'intercumunalità. Stradi dipartimintali, pulitica di l'alloghju, suciali : sò numarosi à tema chì ssi punti di primura ùn sighini micca gistiti di a manera a più bona da a futura entità è chì u rurali sighi particularmenti tralasciatu. Hè par asempiu u parè di u diputatu è merri d'Aiacciu, chì voli avè un'influenza forti nant'à a scrittura di l'urdinanzi.
Steti à senta à Laurent Marcangeli.
Sur le même sujet
