Compte administratif 2013 de la ville d'Ajaccio : le sentiment de Stéphane Sbraggia
(A redazzioni d'Alta Frequenza) - U cunsighju municipali d'Aiacciu hà asaminatu ssu luni u contu amministrativu pà l'annu 2013. Ramintemi chì ss'eserciziu t'hà com'è scopu di dì di sì à u bughjettu di l'annu scorsu. A maghjurità di Laurent Marcangeli duvia dunqua validà l'ultimu bughjettu appruntatu da a squadra Renucci pà compia l'eserciziu è parta di manera effettiva versu una nova manera di gistiscia. Eccu calchì sciffru impurtanti pà riassuma u bughjettu 2013 : pà i ricetti, à pocu pressu, 132 millioni d'auri, è à tempu 137 millioni d'auri sò stati spesi. In funziunamentu, i spesi ani raprisintatu 89 millioni d'auri, mentri chì pà l'investimenti, i spesi sò stati in tuttu di guasgi 39 millioni d'auri. À l'uccasioni di ssu dibattitu, com'è a vi diciami assai tennicu, l'anziana squadra hà vulsutu fà valè i so scelti à u nivellu di u bughjettu, una visioni assai sfarenti ben intesu da a parti di a nova maghjurità. C'hè o ci sarà daveru una visioni sfarenti ind'a manera di gistiscia a cità ?
Steti à senta à Stéphane Sbraggia, primu aghjutu à u merri in carica di i finanzi.
Sur le même sujet
